互動專區

😆😆M仔：KES 1.0已成功種出第一批金盞花🌼，以後可以日日飲用金盞花茶外，仲可以DIY金盞花油呀！！！ 金盞花介紹 金盞花(Calendula officinalis)又名金盞菊，喺古代西方作為藥用或染料，仲會做化妝品；而葉和花瓣可以食用，所以好多時用作菜餚的裝飾。 金盞花有止痛、殺菌、消炎，處理皮膚疾病，最多人講嘅用途就係去濕疹，其實去暗瘡都好好架。所以好多人都會將金盞花浸油，製成手工皂、金盞花膏㖭。 金盞花的成長過程 🌟 浸金盞花種子2-3天，發後芽放入KES 1.0內 🌟 種子發芽後就即刻入KES 1.0度，而營養液EC值就500-800啦。15天左右已經咁大棵喇～😉 🌟 一個月就見到花蕾！ 🌟 再過多一星期已經開花喇～～🌼 金盞花油DIY 做法：將乾金盞花放入玻璃器皿內加入初榨橄欖油浸三個月左右便完成。 小貼士：製作金盞花油一定要將新鮮金盞花曬乾，因為鮮金盞花含水份，如果直接放入橄欖油內會發霉。 如果加速金盞花油完成時間，可以將已浸的金盞花油玻璃器皿放入80度左右的溫水中熱泡，這樣一兩天便可使用。 👧🏻💡P女種植小貼士： 種金盞花係需要葉菜營養液A、B同花果營養液C。 真葉長出後要用葉菜營養液A及B，而EC值喺500-800μ s/cm； 花芯出現後，就要改用葉菜營養液B及花果營養液C，而EC值喺1000至1500μ s/cm啦。大家要留意返啦～～～

最近發現有部水耕機好似KES3.0🤔 但就多咗把風扇🌬，所以買咗嚟玩下。 試後感>>>> >>優點<< ．呢部水耕機同KES3.0一樣會自動開關。 ．因為有風扇令空氣更流通，連咁熱天時好容易病嘅羅馬生菜都種得好好呀。 >>缺點<< ．因為無計成長後距離，所以種菜時要隔開種，想種滿所有位置就種香草啦（但因為咁樣種植位就多咗😝算唔算係缺點呢）。

HORfi是一個入門版魚植共生系統，既然是魚植共生，當然可以養魚同時種植。想知係什麼原理，那就繼續向下望。 過濾棉放入種植籃裡，過濾棉作用當然就是過濾，因為魚缸裡的水及便便是經潛水泵抽上這裡。 再將生物環平放一層在種植籃上，污槽的魚缸水經過這兩層過濾，就會變回乾淨水，提供給植物同時流回魚缸。就是這原理，所以種任何東西都不需淋水。 安裝送氧器轉接頭時，留意其中一個出水口需放在種植籃出面。因為這出水口會形成水柱，將空氣打入魚缸，提供氧氣給魚魚同時令到魚缸水變成活水，這樣就不會滋生蚊蟲。 This slideshow requires JavaScript. 我們建議HORfi種植已成長的水種植物，即是將植物移植在種植籃。而花店出售的多是泥種植物，只要選擇合適植物後，回家將泥清洗，再用附送的種植棉包裹植物根部，放入種植籃便完成。想靚啲，可多選幾款不同植物整個靚靚盆景呀。 建議水種植物：網紋草、富貴竹、銅錢草、袖珍椰子、文竹 如果想由種子開始種的話，建議按次序先種小麥草約21日（每7天剪小麥草一次），再轉種香草類植物約個半月（其間不停修剪），才開始嘗試種營養需求較高的植物。因為要令系統穩定需時3個月左右，水中才有足夠營養提供給小苗。怎樣才是水中有足夠營養？看見魚缸裡面出現啡啡黃黃的物體，便是開始有營養了。 細細部的HORfi（尺寸：234L×163W×187H mm），建議飼養1至5條3cm左右大的魚魚。放魚前記得要養水，因為香港自來水有氯氣，對魚魚有害；回家後放好植物，加水入魚缸，插好電源，等水流動24小時後才放魚。如用蒸餾水的話，就可以直接放魚，因為蒸餾水無氯氣，但請緊記留意水溫，千萬不可過熱或過凍。 建議飼養品種：紅綠燈、米奇魚、泰國鬥魚、孔雀魚 懸浮罩是讓魚魚有多點空間生活，所以需用附送嘅吸氣手泵連吸管將裡面的空氣抽出，令水位上升；這樣魚魚便可以游上懸浮罩裡。 記緊留意魚缸水位不能太高。水流入懸浮罩後，魚缸水位需低於出水口。但請緊記水是會揮發，所以要定時加無氯氣的水入魚缸，再以吸氣手泵連吸管抽走空氣。 魚植共生是不建議經常換水，只需定時加水。但剛剛也提及魚缸有足夠營養的話便會啡啡黃黃，其實這些啡啡黃黃是啡藻。這情況出現，只需放一隻黑金剛螺落魚缸，一兩天左右魚缸便會變回清澈呀。 小貼士 放水種植物入種植籃時，不要太貪心放得滿滿；因為植物會不斷長大，需預留空間給它們成長。 我們所建議的水種植物，基本上適合放在室內植物，只需要燈光便足夠。但想嘗試種菜的話，便需要放在有陽光照射的地方了。 養魚當然需要餵魚，但切記不需要天天餵魚，餵食過多會令水質變差，容易令魚死亡。所以剛開始的三個月，每星期餵一次，每次份量是90秒內魚魚食完所有魚糧。三個月後可以慢慢增加餵食次數，但每次份量都是90秒內食完就足夠。 FAQ 可能會幫到你；如果還有其他問題，可以隨時 Facebook inbox 我們。 → 立即購買 ←